Shillong, Jymmang 15: Ka jingpynmih ia ka bor ding na ki jakhlia jakhlait ha Tura kan sa treikam noh bad ia kane ka jingpynmih bor ding yn sa plie noh da u myntri rangbah ka jylla u Conrad K Sangma ha ka sngi ba ar, ha kane ka sngi yn don lang u Chang Jae – Bok, Ambassador ka ri South Korea sha Indian.
Kane ka dei ka jingtrei kaba nyngkong ha kaba la ia treilang ka sorkar Meghalaya ka Municipal Tura bad ka Chamhana Institute of Technology, South Korea bala ia lam da u Dongmin Choi, Chairman, ia kane ka rai ban shna ia kane ka jingtei la shim ha u snem 2019 ha Shillong.
Ha katei ka jingialang haba la pyni ia kane ka rukom pynmih bor ding na ki jakhlia jakhlait ka sorkar Meghalaya kala pdiang ban ia trei lang ha ka rukom jong ka PPP kin sdang shuwa da kaba rit bha ha kaba ka sorkar Meghalaya kan nym pynlut pisa bad kane kan long ka jingsdang shuwa ban shim ia ka rai na ka bynta kiba kham heh.
Kan ka jingtei ban pynmih bor ding ka long ba ki jakhlia kakhlait ba mih na ka sor Tura kan long kumba 35 MT bad la shna ruh ia kane ka jingtei ha kata ka rukom ha ka jaka theh nuit kaba don mynta bad ban pyniaid ia kane la ai jinghikai da ka Chamhana ia ki trai shnong bad kane ka don ia ka hok ban dien ia ka bor ding ba mih na katei ka jaka.
Kane ka jaka pynmih bor ding na ki jakhlia jakhlait la dei ban dep ha u snem 2020 hynrei na ka daw jong kane ka COVID-19 positive la hap ban sah teng haduh mynta, ban pyndap ia ka jingdon kam niut katei ka jaka yn lum ym tang na ka Tura hynrei na ki shnong ba marjan.
Ka Chamhana’s waste-to-fuel technology kan sa tyllait ia ki jakhlia jakhlait bad kan sa mih ka bor ding, u myntri rangbah u don ka jingkymren ba kane ka jingtrei ban pynmih ia ka bor ding kan treikam bha bad lada ka biang yn sa shna ha Jowai bad Shillong bad kiwei ki jaka sor jong ka jylla.
