Sngi Balang yn pynlong ka party Congress ia ka ‘Bharat Jodo Yatra’ pynbna ka Bobbeets

Shillong, Nailur 05: Ka nongai ktien ka party Congress ka Bobbeets Sharma mynta ka sngi kala pynbna ba ka party Congress kan pynlong ia ka ‘Bharat Jodo Yatra’ ha kaba u nongialam ka AICC u Rahul Gandhi un sdang na Kanyakumari na Tamilnadu bad yn pynkut ka Jammu bad Kashmir bad ia kane ka jingiaid lynti kan long 150  sngi.

Haba kren ha ki lat pathai khubor mynta ka sngi ha Congress Bhavan ka nongai ktien ka seng Congress ka Bobbeets Sharma kala ong ba ka jingpynlong ia kane ka ‘Bharat Jodo Yatra’ ka long ban pynsngewthuh sha ki paidbah ba ha kane ka jingsynshar  ka BJP naduh u snem 2014 haduh mynta.

Ha kine ki phra snem kiba ka BJP kala synshar kala wanrah ia ka jingduk, ka jingkhlem kam bad ka jingkiew dor ki mar ki matta kaba la ktah ia ki paidbah ka Ri India. Ka nongialam ka congress kala kynnoh ba ia ki jingdon jingem ka Ri India kaba la tei ha kine ki 70 snem  kane ka sorkar u Modi kala aiti ia ki sha ki heh spah.

Kum ka party kan pynsngewthuh ruh ia ki paidbah kane ka Ri India ba la phah ia ka ri ha ka kyrteng jong ka niam bad la pyrshang ban pynrung ia ka mynsiem ia shrud kane  ka pynlong ban wah rah ia ka jingtlot hapoh jong ka Ri la kynnoh katei ka nongialam ka party Congress.

La iathuh ba ki ban iaid lang bad u Rahul Gandhi kin don 180 ngut, la shah ruh iaki nongkyrshan ka party ba kin ia don bynta lang da kaba ki leit ban ia shim bynta ban iaid lyngba ki khat ar tylli ki jylla naduh Tamil Nadu sha Jammu bad Kashmir.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet