Sngi Nyngkong  wan ka “15th FC” ban ia kren halor ka jingmang tyngka

Shillong, Jylliew 01: La sngi Nyngkong Ka “15th Finance Commission” kan sa wan sha ka jylla Meghalaya naduh ka 3 tarik haduh ka 5 tarik u Jylliew, 2019 na ka bynta ban khmih bniah ban peit ia ki kam pisa ha ka jylla shuwa ban ai jingmut sha ka Sorkar Pdeng halor kane ka kam.

Ia kane ka Commission yn ialam da u Chairman N.K. Singh bad kaba kynthup ia ki dkhot A.N. Jha, Dr. Ashok Lahiri, Dr. Anoop Singh, Prof. Ramesh Chand bad ki ophisar. Kane ka commission kan ia kynduh bad u Myntri Rangbah bad ka kynhun Myntri jong u ryngkat bad ki ophisar ka sorkar Meghalaya.

Ka Commission kan iakynduh ruh ia ki nongmihkhmat jong ki kynhun na ki thain nongkyndong, ki nongmihkhmat jong ki kynhun na ki thain sor, ki nongmihkhmat na ki kynhun nongkhaii bad ki industry ha Meghalaya.

Ka Commission kan iakynduh ruh ia ki nongmihkmnat jong ki seng sain pyrthei ka jylla.  Yn pynlong ruh ia ki jingialang bad ki Self Help Group jong ki kynthei bad ki Aqua Entrepreneurs ba la kyrshan da ka Meghalaya State Aqaculture Mission (MSAM).

Ka Commission kan pynlong ruh ia ka jingjurip ia ki kam ba la trei hapoh ka skhim MNREGS ha kane ka jylla bad kan pynlong ka jing iaphylliew jingmut bad ki dkhot jong ki Village Employment Council (VEC) bapher bapher. Ka Commission kan leit jngoh ruh ia ka Hortihub jong ka jylla.

Ka sorkar jylla ka la dep ban ai dorkhas sha ka Fifteenth Finance Commission. Ka Commission ka la ioh pdiang ruh ia ka jingpynshai na u Principal Accountant General (Audit) ka Meghalaya halor ki kam ba iadei bad ki pisa pilain jong ka sorkar Meghalaya.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet