Sngi nyngkong yn rah ka Cong ia ka jingiakren hapoh iing dorbar halor ka jingjia ha Malangkona

SIMG-20180921-WA0032hillong, Nailur 21: Mynta ka sngi hynriew ngut ki MLA jong ka seng Congress kila hiar sha Malangkona ban lap ia ka jingshisha halor ka jingphet rieh ki paidbah ban lait na ka jingshah thewt ha ki pulit Assam bad kane ka jingjia kala jan dap artaiew mynta.

U Bah Kimfa S Marbaniang u ba dei ruh u MLA jong kane ka jaka na ka seng Congress, haba kren ha u SP News Agency mynta ka miet ha dien ba kila wan phai na kane ka jaka, u la ong ba ia kane ka jingjia u la pyntip sha u myntri kam poh iing bad sha u Superintendent ki pulit hynrei kim shym leh ei ei kumba ka paw haduh mynta ka sngi.

La iathuh ba kum ka seng Congress kan rah ia kane ka phang ban ia kren hapoh ka iing dorbar la sngi nyngkong bad kane kan long ruh na ka bynta ka Block I bad Blcok II ruh kum juh. Kumba ka long na ka liang jong ka District Administration kim pat phah kano kano ka jingiarap khamtam ia ka bam sha kane ka jaka sah kine ki briew.

Na ka liang jong u kum u MLA kane ka jaka mynta ka sngi u la phone sha u Chief Secretary jong ka sorkar jylla bay n phah ia ki jingiarap la shai ka sngi khamtam ka bam ka dih na ka bynta kitei ki briew kiba don haduh 575 ngut  kiba ia bam ha kane ka jaka sah ha iing skul.

La iathuh ba kiba sah ha iing skul ki long 125 ngut, hynrei baroh 575 ngut ki bam ha iing skul kiwei pat ki hap ban ia sah ha ki iing briew namar ka skul ka rit palat. Mynta ka sngi la dep ban kren ia u Chief Secretary ba  yn phah ia ki doktor bad ka dawai na ka bynta ban ai jingsumar ia ki briew kiba don ha kane ka jaka sah ha iing skul.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet