Sngi u blei yn pynkyntang Lyngdoh Sohblei ia u Dn. Herbert, Dn. Shanborlang ha Nongkhlaw

Nongkhlaw; Nohprah 27:KajingpynkyntangLyngdohSohbleiia I Dn. Herbert Joe Wanniang, OCD bad u Dn. ShanborlangWartde, OFM ha ka 29 tarikNohprah, 2019 hapoh St. Francis Xavier Parish Nongkhlaw, Nongstoin Diocese  kan long ha Tirot Sing Memorial Playground, Nongkhlaw ha kaba yn sa pynkyntang Lyngdoh da u Rev. Bishop Victor Lyngdoh, Bishop of Jowai Diocese ka ban sdang ha kapor 9.30 mynstep bad kansa don Cultural Programme ha ka noh phai sngi.

Baroh ar ngut ki dei na ka seng-nongkhrong (Mendicant order) bad ki dei ki Friars. Ka jingpher ka long ba u Dn. Herbert Joe u dei u Carmelite, Order of Discalced Carmelites (OCD) bad u Dn. Shanborlang u dei u Franciscan, ka Order jong ki Brodar Barit (Order of Friars Minor).

U Dn. Herbert Joe u dei u khunjong ka Kong Edwina Marbaniang bad Bah Albinus Dkhar na poh ka ShnongJakhong ba hap hapoh ka St. Francis Xavier Parish Nongkhlaw, Nongstoin Diocese. u la sdang ia ki jingpule jong u na St. John School, Jakhong, bad pyndep ia ka Matrik na St. Thomas Higher Secondary School, Mairang.

U la pyndep iaka Novitiate na Mount Carmel, Kotara, Trivandrum, Philosophy ryngkat ka BA na Vidya Niketan College, Feridabad, Delhi bad pyndep ia Theology na kaTeresianum University Rome. U Dn. Herbert Joe yn sa long u phadar ba nyngkong tam na poh ka St. Francis Xavier Parish Nongkhlaw, u phadar OCD banynkong tam na pdeng ki khasi, na ka jylla Meghalaya bad kum juh ruh na kathain Northeast India hi baroh kawei. U Dn. Herbert Joe u hap hapoh jingpyniaid jong ka St. Joseph South Kerala Province. Ki ktien im sngi jong u ki long, “Ban shakri ym ban shah shakri” (Mt. 20:28).

U Dn. Shanborlang Wartde u dei u khunjong ka Kong Alfrida Wartde bad u bah Karmel Jyrwa na shnong Rangmaw ba hap hapoh ka Nativity Parish, Mawkyrwat, Nongstoin Diocese. u la sdang ia ki jingpule jong u na Rangmaw RCLP School, u la pyndep ia ka Novitiate jong u na St. Louis Friary, Andhra Pradesh, iaka Philosophy ryngkat ka Bachelor Degree na St. Anthony’s Friary, Bangalore, Karnataka bad ia ka Theology na Dharmaram Vidyakshetram, Bangalore, Karnataka.

U Dn. Shanborlang Wartde yn sa long u phadar ba saw ba mih napoh ka shnong Rangmaw. u Dn. Shanborlang u hap hapoh ka shnat Foundation of  St. Francis of Assisi, North East ba dang dei hapoh ka St. Thomas Province, India. Ki ktien im sngi jong I ki long “U briew um lah ban ïoh eiei ruh em, lymda u Blei u ai ha u.”

Ka St. Francis Xavier Parish Nongkhlaw, ka Nativity Parish, Mawkywat, Ka Nongstoin Diocese, ki kmie ki kpa ryngkat ki ba ha iing ha sem jong u Dn. Herbert Joe Wanniang bad Dn. Shanborlang Wartde,Ka Balang Shnong Jakhong bad kaBalang Shnong Jakrem ki khot kiwer sngewbha ia phi ban wan sakhi ia katei ka Jingkyntang Lyngdoh Sohblei jong kitei ki ar ngut.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet