Sniew ka surok ba saingrong shiteng shiliang na lat Mawroh sha Mawkynroh ban poi bye pass  

Shillong, Risaw 30: Ka jigntrei ban pynheh ia ka surok na Mawlai Mawkynroh ban mih sha Lat Mawroh ka dang iaid mynta bad kaba sah dei sa tang kawei ka jingkieng hynrei ka jingtih ban pyneh ia ka surok kumba ka paw la dep lut baroh.

Ki paidbah ba pyndon kam ia kane ka surok ban leit ban wan kila pynpaw ia ka jingsngewsih ba kane ka surok kala sniew palat namar ka jingsiang rong ka long tang shiteng shiliang katba kiwei ki bynta kila sniew sha ba palat bad kala ktah ia ka leit ka wan ki kali.

Ki bynta kiba sniew eh kane ka surok ka dei na lat Mawroh haduh ka khmat ka Mawroh PHC haduh ban da jan poi sha Sanker, hapdeng jong kane ka surok la siang rong katba haba kut bad haba sdang ka surok khlem pat siang rong.

Kiba bun na ki nongleit nongwan mynta kila pyndon kam ia kane ka surok naduh ki nongwan jngohkai pyrthei ban lait na ka jingdheng kali ha GS Road Mawlai kaba bun sien kan nym duna ia ka shi kynta, kiba bun ki kyntu ia ka PWD ba kan pyndep siang rong noh ia kane ka surok.

Na Mawkynroh la iohi ba ia ka jingtrei la dep ban siang mawsaliang bad ha mar shiteng la dep ban siang rong bad la sangeh ka siang rong na jan Sanker haduh ban da poi sha lat Mawroh, kaba sniew eh ka surok ka long ha khamt jogn ka Mawroh PHC.