Shillong, Iaiong 22: U Dr. C S Muthukumaran consultant cardiologist Apollo Chennai la ong ba kala don ka jingiasoi soskular hapdeng ka sorkar Meghalaya bad ka Apollo ban sumar ei ei ia ki khynnah kiba shitom klongsam hapoh katei ka hospital, kane kan long tang ia kito ki long iing kiba duk tasam.
Haba kren ha ki lat pathai khubor ia kane ka jingsumar ei ia ki khynnah kiba shitom klongsam la sdang ban eksamin mynta ka sngi ha Lawmali Hospital, la iathuh ba mynta ka sngi la eksamin ia 50 ngut ki khynnah bad na kine 15 ngut la shem ba ki don jingshitom, na kine 3 ngut yn sumar ha Guwahati bad 12 ngut kiwei yn ialam sha Chennai.
La iathuh ba haduh mynta la ioh jngkhein 300 ngut ki khynnah kiba don jingshitom ha klongsan na ka liang jong ka hospital kan pyndep shuwa ban sumar ia kine bad kin sa sdang ban shimbiang, ba kala don ka jingiakren bad ka sorkar ba ka jingeksamin ia khynnah kan long ruh sha kiwei ki bynta jong ka jylla ha ki por ban sa wan.
Namar mynta ka dang long tang ka jingsdang ia kane ka jingeksmin ei ia ki khynnah kan long tang ha Shillong bad kin wan shisien ar bnai bad lada ka sorkar ka kwah ki lah ban wan shisien shibnai ruh, kane ka jingsumar ei ka long ba ka sorkar kan siew lyngba ka MHIS bad na ka jingkyrshan ka seng na ka Apollo.
Ha kane ka sngi la don lang ruh u Abhijit Singh ba dei peit ia ka Apollo Hospital ha Guwahati, la iathuh ba ha India ka jingkha ia ki khyllung ka long 2.5 lak ngut ha ka shisnem bad man ka 1000 ngut ki khyllung 8 ngut ki don ia ka jingpang klongsnam bad kawei na kawei na kidaw ba ki shitom ka dei ba ka kmie ka dih kyiad ha ka por ban armet.
