Suki sdang hiar ka jingpule kot ki riew paidbah ha kane ka nongbah Shillong

Book Fair in ShillongShillong, Risaw 28: ka Book Line ka  company kaba na Kolkata ka long ka nongdie kot lang, kaba shallan kot bad ka die khutia ruh ha ki jaid kot bapher bapher ka juh wan ban pynlong ia ka Book Fiar ha nongbah Shillong man u snem bad mynta u snem kala sdang naduh ka 18 tarik bad kala pynkut ha ka 27 tarik mynta u bnai.

Haba kren ha u  SP News Agency, u manager jong ka Book Line u Ramesh Tiwari, u la ong ba u la wan ban pynlong ia kane ka Book Fair ha Shillong naduh u snem 2001 bad ka dang beteng haduh mynta. Ha kitei ki snem ka jingwan pynlong ia kane ka Book Fair ka long kaba ioh mynsiem bha namar ki briew ki wan ban jngoh wat lada kim thied ruh ia ki kot kaba kila wan rah da ki bun phew hajar tylli.

Kane ka jingpynlong ia ka Book Fair ha kane ka nongbah Shillong da ka Book Line Company kala kylla long noh kaba ki pynlong man u snem naduh u snem 2001 haduh mynta u snem 2017, u Tiawri u la ong ba u la peit bniah kala duna kane ka jingwan jong ki briew ban wan bad kiba thied lei kala dang duna katba dang mih ki sngi kane ka kdew ba ka jingpule kot jong ki riew paidbah ha kane ka nongbah Shillong kala nang hiar na kawei ka snem sha kawei pat.

U Manager jong ka Book Line u Tiawari, u la ong ba kane ka jinghiar ha ka jingpule kot jong ki riew paidbah kala dang hiar wat ha ka pyrthei ruh kum juh, khamtam ha kine ki khynnah kiba mynta, ha ka jaka ban pule kot mynta ki briew kila shuh brows lyngba ka internet, khamtam ha kane ka Ri India ha kaba ka sorkar pdeng ruh ka jingialeh ban iaid sha khmat ha kaba pyndon kam ia kane ka IT Technology ha baroh ki liang. Na ka liang jong ka Book Line kan dang iai beteng ia kane ka jingpynlong ia kane ka Book Fair ha kane ka nongbah Shillong.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet