Syrtap ki pulit ha ophis ka GVK ha Lawmali ba byrngem ia khih tyngeh ka MERMRIWU

Shillong, Naiwieng 11: Mynta ka sngi ka Meghalaya EMRI Workers Union (MEMRIWU) kala pynsangeh noh ia ka jingkhih shah thngan ka jong ka kaba la neh naduh haduh 12 sngi bad 14 ngut ki dkhot ka seng kila poi sha ki hospital ban shah sumar.

Na ka liang jong ka MEMRIWU mynta ka sngi kala sdang ia ka jingiakhih da kawei pat ha ka jingai jingkyrshan lang kiwei ki seng bhalang ban dawa na ka sorkar ba ka dei ban sngap ia kaei kaba ki nongtrei jong ka GVK kila dawa mynta la jan dap ar snem.

Na ka liang jong ki pulit mynta ka sngi haduh ka por 7.30 baje mynstep kila poi sha ka jaka ba ki shnong shah thngan ki dkhot jong ka MEMRIWU ha khmat ophis jong ka GVK kaba don ha Lawmali. Ka jingsyrtap jong ki pulit ha katei ka jaka ka long ban peit ba kane ka jingiakhih kan nym pynmih ia kano kano ka jingklumar.

Na ka liang jong ka sorkar ruh kala phah ia ki magistrate bad ia ki heh pulit ban don ha kane ka jaka katba ki nongialam jong ka MEMRI ki dang leit ban pan jingbit ban iaid paidbah na katei ka jaka sha Secretariat. Hynrei na ka liang jong ki bor jong ka District Adminstration kim shym la ai jingbit bad la khot noh ban ia kren mynta ka jan miet sha Secretariat da ka sorkar.

Na ka liang jong ki dkhot ka MERMWU kila la rah ia ki plakard kaba kila dep ban thoh ha katei ka jaka ha kaba la ia don lang ki dkhot jong ka KSU, ka FKJGP kiba la ai ka jingkyrshan ia ka jingdawa na kane ka seng ki nongtrei hapoh jong ka 108 naduh bas dang. Ha ka  por mynstep kala don ruh ka jingiakynduh ia kibor pyniaid jong ka GVK, da ki dkhot ki seng bhalang bad ki nongialam jong ka seng MEMRIWU.

 

What Next?

Recent Articles

Leave a Reply

Submit Comment

*