Shillong, Jymmang 02: Ka sorkar jylla kala pynkhreh ban pdiang ia ki briew jong ka jylla Meghalaya ba kin wan phai sha la ki jong ki shnong ki thaw bad kala pynbeit ia ki saw tylli ki jaka ba kin rung kata ki dei ka Ratacehra East Jaintia Hills , Byrhinat Ri Bhoi District , Bajengdoba North Garo Hills bad Tikrikilla ha West Garo Hills District.
U Symbut myntri rangbah u bah Prestone Tynsong u la iathuh ba ha kine ki saw tylli ki jaka kin don ki doktor bad ki nurse ban peit ia kiba wan phai bad ia ki yn leh da ka Rapid Diagnostic Kits. Lada shem ba don ia ki jingpang Corona yn ialam ia ki sha ki jaka sumar sorkar bad lada kim don ei ei yn shah ia ki ba kin leit sha la ki shnong sha ki District kaba ki don.
U myntri u la pynshai shuh shuh ynda kila poi sha ki shnong ki thaw kin hap ban shong ha iing 14 snem bad kane kan long ruh ia baroh kato ka iing ka sem ba kin nym ia leh bad ki para marjan marpan. Haba ia dei bad ka bam ka sorkar kan pynbiang ia ki lyngba ki bolontiar jong ka shnong.
La iathuh ba mynta ka sngi kala don ka jingiakynduh bad ki khlieh nongsynshar shnong ha kaba ka sorkar kala ai sha ki ia ki kyndon kumno ban leh lada ki don kiba na ka shnong jong ki kiba wan phai sha la shnong. Ka sorkar kala btai shai bad la sam ruh ia ki jingthoh.
