Tang shibnai bala siangrong pra ka surok ha Lait Mynsang, dei ka jingtrei torti:KSU

Ki Nong ialam KSU.Shillong, Iaiong 20: Namar ka jingtrei torti jong u contractor, ka surok kaba don ha shnong Lait Mynsang, Mawkynrew C & R D Block kaba dei iaid sha Jatah bad kaba poi ruh shaduh syntung kala pra bad kala kylla long kum ka pynthor kba tang hapdeng lai bnai tam bala dep siang iaka. Na ka liang jong ka KSU kala kynnoh ba kane ka dei na ka jingtrei torti.

Haka ka jingleit jurip ki nong ialam ka Khasi Students Union Mawkynrew Circle bad Eastern Central la lap ba kane ka surok ba dang shu siang rong thymmai ha u bnai Lber bala trei da u Bah Commander Slong u ba dei u kontraktor ba pyntrei ia kane ka surok bad mynta kala pra hajan baroh shilynter.

Kane ka surok ka dei ka thied bah balam lynti  sha bun tylli ki shnong sha kane ka thaiñ,kadei ruh ka lynti ban poi sha Wah Rashi ka jaka jngoh kai ba itynnad bad pawnam tam ha kane ka thaiñ. Ka jing ud ki paidbah hadien ba bun snem ba kane ka surok ka don hapdeng ka jingsniew kala wan urlong bad kala pynshlur bad khring  ia bun ki nong jngohkai pyrthei ban tur sha kane ka thaiñ hynrei kane kaneh tang shipor namar ka jing leh torti u contractor bad ka jing bym shim khia ka tnad shna surok.

Ka seng ka pynrem jur ia kane ka jingtrei torti kaba la pynsepei iaka pisa paidbah bad ka dawa ruh iaka PWD ban pynshitom ia kiba donkti ha kane ka kam leh torti bad ban maramot biang mardor sa shisien iaka tei ka surok.

 

 

 

What Next?

Recent Articles

Leave a Reply

Submit Comment
*