Shillong, Jymmang 21:Ki seng jong ki samla pule ha ka thain shatei lam mih ngi jong ka Ri India mynta ka sngi kila pynlong ia ki jingiakhih ha baroh ki jylla kane ka thain da kaba pynlong ia ka jingialum lang ha la ki jong ki jong ki nongbah katkum ka jylla ka jong ki.
Ha nongbah Shillong ka seng KSU kala pynlong ia ka jingialum lang ha khmat jong u Mot jong u Kiangnangbah ha pyrshah jong ka Shillong Civil Hospital Shillong ban pynpaw ba ka seng ka pyrshah ia ka Citizenship Amendment Bill, 2016 jong ka sorkar pdeng.
Ha kane ka sngi na ka liang jong ka seng ia kaba la ialam da u president u samla Lambokstarwell Marngar, ha ka jingiadon lang jong ki nongialam jong ka seng kmie kila pynpaw ia ka jingpyrshah jong ka seng ia ka jingthmu jong ka sorkar pdeng da kaba thang ia ka tynshong ha katei ka jaka.
U Bah Samuel Jyrwa Chairman jong ka NESO u la ia don lang bad u la ong ba ki paidbah kane ka thain ki pyrshah ia katei ka jingthmu jong ka sorkar pdeng bad lada ka sorkar pdeng ka iaid skhamt bad katei ka jingthmu jong ka ka dong shatei lam mih ngi baroh kawei ka khih win.
