Shillong, Kyllalyngkot 20: Ka sorkar Meghalaya mynta ka sngi kala pynmih ia ka jingpynbna ba la thaw ia ka kommittee kaba kyrpang ban jied ia ki jaka ban buh ia ki skul PMSHRI ha kane ka jylla Meghalaya.
Kane ka kommittee kaba kyrpang ka kynthup ia u Commissioner bad Secretary ka tnad pule, u Education Department bad State Mission Director, SSA-SEMAM ba un long kum u Chairman bad u State Project Director, SSA-SEMAM bad Director jong ka School Education bad Literacy kum u Member Secretary ba dei ruh secretary ka tnad pule ka sorkar.
Kiwei ki dkhot jong kane ka committee ki long u Secretary ka tnad pule, u Educational Research bad Training, ba dei Secretary ka tnad puleu u Higher Education, Deputy Secretary ka tnad pule bad u Deputy State Project Director, SSA-SEMAM kin long ki dkhot katei ka kommittee.
Ki mat trei kam jong kane ka kommittee ban kin peit bniah ia kaei kaba la kam da ki skul bad ban ai ia ka jingmynjur ban pynrung ha ka thup bad ba kin ai jingmut kumno ban jied ia ki skul haka thup kaba ar, ia kane la pyntip da u Commissioner bad Secretary ka sorkar Meghalaya ba dei peit ia ka tnad pule.
