Thaw ka sorkar Kommittee ban ia peit bniah halor ka Sixth Schedule: James

Shillong, Nailar 29: Mynta ka sngi kala don ka jingiakynduh ha pdeng ka sorkar bad ka kynhun ki seng bhalang ia kaba la tip kum ka Menghalaya Ingenious Tribal Constitutional  Right  Movement (MITCRM) ban ia kren halor ka Sixth Schedule ia kaba la pyniaid da u myntri rangbah ka jylla u Conrad K Sangma ha ka jingiadon lang kiwei ki myntri sorkar.

Haba kren ha dien jong ka jingialang u myntri ba dei peit ia ka tnad District Council u James k Sangma u la ong ba ha kane ka jingialang la shim ia ka rai ba thaw ia ka Committee kaba kyrpang ka ban khleih da u Myntri ba dei peit ia ka DC(A), natang ia u Bah Hamletson Dohling, Bah Metbah Lyngdoh, ki CEM jong ki lai tylli ki District Council  bad ki dkhot jong ka MITCRM bad kane ka kommittee  bad u Secretary jong ka DCA un long u Member Secretary jong komittee.

Kane ka committee kan pule bha bad ban ai jingmut kumno ban leh na ka bynta ban pynbha ia ka Sixth Scheduled da kaba kin ai jingmut sha ka Select Committee jong ka sorkar pdeng namar ia ka jingpynkylla ia ka Sixth Schedule la wan rah hapoh Rajya Sabha bad la phah pat sha ka Seclect Committee ban bisharbniah.

Kane ka Kommittee kaba la thaw kan pyndep ia kane ka kam hapoh laiphew sngi bad ha dien kata kin hap ban ai ia ka jingthoh sha ka select  kommittee jong ka Rajya Sabha, ban pynpaw ia kiei kiba kum ki paidbah jong ka jylla Meghalaya ki kwah ban pynbha ha kaba ia dei bad ka Sixth Schedule ban iada ia ki rit paid.

Na ka liang jong ka MITCRM  u Bah Samuel  B Jyrwa haba kren ha ki lad pathai khubor u la ong ba kaba kongsan kam dei eh tang ban ioh skhim hynrei kaba kongsan ka long ban iada ia ka jaidbynriew. Ha kane ka jingiakynduh la ia mynjur ban thaw ia ka kommittee ban ia kren bniah halor kane ka kam.

What Next?

Recent Articles

Leave a Reply

Submit Comment

*