Shillong, Rymphang 02: Mynta ka sngi la pynmih ia ka jingpynbna sorkar na ka bynta ka ilkeshon MDC sha ki ar tylli ki iing dorbar, ka KHADC bad kum juh sha ka JHADC. Ha kane ka sngi ar ngut ki kyrtong kila thep kyrteng u bah Latiplang Kharkongor kum u kyrtong shimet na ka Nongthymmai Konstitwensi.
U bah Latiplang, u dei u MDC jong kane ka konstitwensi bad u ba dei ruh u Executive Member ha kane ka EC kaba mynta hapoh jong ka KHADC, u bah Latiplang u la mih khmat na kane ka jaka sha ka iing dorbar jong ka KHADC la lai sien lynter. Ha kane ka sngi la synrlang ia u da ki nongkyrshan ha kane ka sngi.
Ha kane ka sngi u bah Fantin Jospeh Lakdong u la thep ia ka kyrteng jong u ban ia khun ia ka MDC na ka kontiwensi Malki-Laitumkhrah Konstitwensi na ka part Indian National Congress, u dei u kurim jong ka MLA na kane ka konstitwensi ka Dr Ampareen Lyngdoh.U bah Fantin u long u kyrtong u ba dang ia khun ia kane ka MDC ilkeshon ha kane ka kynti kaba mynta ha ka sien kaba nyngkong.
