Shillong, Naitung 06: Ka sngi ban thep kyrteng na ka bynta ban ia khun ia ka MLA elekshon shiteng samoi na ki ar tylli ki konstitwnesi, ka 35-Ranikor bad ka 51- South Tura konstitwensi kala kut mynta ka sngi. Ki kyrtong kiba la thep kyrteng ki long saw ngut ha Ranikor bad saw ngut ha South Tura.
Ki kyrtong kiba la thep kyrteng ban ia khun na ka 35-Ranikor Konstitwnesi ki long, u Martin M Danggo na ka NPP, u Bah PN Syiem na ka PDF, u Bah Pius Marwein na ka UDP bad u jackiush A Sangma na ka seng Congress.
Katba ha 51-South Tura ki long, u myntri rangbah ka jylla u Conrad K Sangma jong ka NPP, ka Charlotte W Momin na ka seng Congress katba ar ngut kiwei pat u John Leslee K Sangma bad u Kris Kabul A Sangma kila thep kyrteng ki kyrtong shimet.
Ka jingbishar bniah ia ki kot thep kyrteng kan long la shai ka sngi bad kino kino ki kyrtong kiba kwah ban weng noh ia lade na ka jingiakhun ia kane ka elekshon shiteng samoi kan long ha ka 9 tarik mynta u bnai.
