Shillong, Jymmang 26: Ka jingther jong u slap baroh shimeit kala wanrah ka jingshlei um ha ka Wah Umngot kaba pyniaid khlad ia ka Jaintia Hills bad East Khasi Hills District. Ka shnong kaba la shah ktah eh ha kane ka jingslei um ka dei ka Shnongpdeng kawei na ki jaka jngohkai pyrthei.
Ka um kala kiew haduh Shnongpdeng kiba don don sha jan jong ka kwah kila shah ktah ha kane ka jingslei um ha kaba ki briew kila hap ban mih na ki iing bad ha kane ka jingjia la iathuh ba ki dukan bad piankhan paidbah kala shah rong ha kane ka jingkhyllun jong ka um ha Wah Umngot.
Katkum ka jingiathuh jong ki briew na kane ka shnong, u Bah Laitphar Syngkmren u la ong ba katkum ka jingiathuh jong ki riew tynmen ba kane ka jingshlei um na kane ka wah Umngot kala ktah ia kane ka shnong ha dien 35 snem mynta. Kum kane ka jingshlei um kala jia laiphew san snem mynshuwa.
La iathuh ba don bok ba kane ka jingshlei um kam shym la jia ha ka por mynmiet hynrei kala jia mynta mynstep ha kaba ki briew kila ioh ban sei ia ki lieng kynda, kaba la shah rong nalor ki dukan ar tylli, ki painkhana paidbah la shah rong ruh kawei ka lieng.Kiba bun ki lieng la ioh ban sei na wah.
