Thmu ki seng bhalang ban tur sha Raj Bahvan ha ka sngi pynsmai ia u Conrad kum u MR

Shillong Lber 04: Ki paidbah mynta ka sngi kila byrngem ban leit tur sha ing sah jong ar ngut ki MLA ka HSPDP u bah Shakliar Warjri na Mawthadraishan bad u bah Methodius Dkhar na Mawshynrut ba kin leit phai sha ka kynhun ban ialam sorkar ki seng riewlum bad lada ki pyneh, kin leit tur syndon sha Raj Bhavan ha ka 7 tarik kaba la buh ban pynbam smai ia u Conrad K Sangma kum u Myntri Rangbah ka jylla.

Ka jingialang kaba pynlong da ki sengbhalang mynta ka sngi ha Motphran ka la ther tyngeh ia ka jingshet kylla jong kine ki ar ngut ki MLA ka HSPDP kiba leit ban kyrshan ia ka sorkar ban ialam ka NPP bad ka BJP haduh ba ka jingthmu ban ialam sorkar ki seng riewlum ka la pulom noh.

Ha kane ka sngi, ka jingialang kaba la don lang ka HYC, HITO, Sur u Hynniewtrep , STIEH, HNYM bad kiwei, kila thang ruh ia ki tyngshop jong kine ki ar ngut ki MLA kum ka jingpynrem. Ka jingialang ka la kyntu ia ki ban leit phai biang sha ka sem jong ki seng riewlum hynrei lada kim leh, kin pynjur ia ka jingiakhih ha kine ki sngi.

Ki nongkren naduh u President ka HITO bah Donbok Dkhar, General Secretary ka HYC bah Roykupar Synrem, Vice President bah Donboklang Kharlyngdoh, ka Kong Purity Phawa na ka STIEH bad kiwei kila ther ia kine ki ar ngut ki MLA ka HSPDP kiba la shet kylla bad long khun sarong awria na bynta ka jaitbynriew.

Kila kynnoh ba ka sorkar ha kane ka san snem kaba la ialam ka NPP ka la pynjah burom ia ka jylla naduh ka jingjur ka bamsap, bad la synshar kita ki High Level haduh ba ki paidbah baduk barit baria kila shah noin.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet