Shillong, Jylliew 09: Ka seng All Meghalaya Contractor and Supplier Association (AMCSA) kala thoh sha u Chief Engineer jong ka tnat shna iing jong ka PWD ban kyntu ba dei ban ai noh ia ka dor trei da ka dor jong u snem 2021-2022.
Ha ka shithi kaba la phah ka seng AMCSA kala kdew ba ka don ka jingbakla ha kaba buh ia ka dor bai trei kaba dei na ka bynta u snem 2021-2022, ha ka shithi la kdew ba ka seng kala dep ban phah ia ka shithi bad la ai ia ka dor jong ki tiar kaba ka jingkiew dor ka long jubor, ia ka shithi la soi da u bah B L Nongbri President ka seng kaba la phah mynta u snem.
Haba ia dei bad katei ka shithi na ka liang jong ka AMCSA kala phah biang sa kawei ka shithi sha u Chief Engineer ka tnad shna iing ban pynkynmaw ha kaba ia dei bad ka shithi kaba kila dep ban phah ia kaba kim pat ioh jubor haduh mynta.
Na ka liang ki kontraktor ba tei bad ka tnad shna iing jong ka sorkar jylla ki kwah ban ka sorkar kan pyntrei kam noh da ka dor kaba thymmai kaba dei jong u snem 2021-2022, kane ka jingpan ka long namar kala kiew dor palat ki tiar kitar kumba kila dep ban phah sha ban pynshisha ia kane ka jingpan ka jong ki.
