Shillong, Lber 18: Ka Khasi Student’s Union (KSU) mynta ka sngi kala thoh sha ka Chairperson jong ka “Council For the Indian School Certificate Examination” ba dei ban weng noh ia ka kot ISC Sociology kum ka kot pule na ka bynta ki klass XII kaba la thoh da u Manjir Ghosh.
Ha kane ka shithi kaba la phah mynta ka sngi ka KSU kala dawa na ka Chairperson jong ka CFISCE ba dei ban weng noh ia ka kot Sociology kaba la thoh da u Manjir Ghosh, kum ka seng samla pule ka pynrem jur ia ka jingialam bakla hapoh kane ka kot ia ki jingshisha ha kaba ia dei bad ka jaidbynriew khasi.
Ka jingthoh ha kane ka kot ka long ba kala ialam bakla ia ki Khasi khlem da wat ia ki jingshisha bad kaba la ialam bakla, kane ka dei kaba ktah ia ka jingsngew kum ka jaidbynriew khasi namar kane ka ialam bakla sha phang ki khasi ha baroh kawei ka ri. La ong ka samla Marbiang Khongwir president KSU Unit Delhi bad u samla Joffy Mathew Tangong ha ka kyrwoh kaba la phah mynta ka sngi.
