Shillong, Nailur 19: Ka KSU Nehu Unit mynta ka sngi hapoh ka jingialam u samla Shibaitlang Rymbai General Secretary ka unit ka la ioh ban leit ai da ka jingthoh ha khmat u Nodal Officer badei peit kyrpang ia ka free coaching class na bynta ki samla pule Schedule Caste ban long hapoh NEHU.
Ka seng ka buh jingthoh ba ki dei ban ai bhah lang ia ki samla pule ST khamtam iaki samla pule Trai Ri Trai muluk lem kumta kan pyrshah ban pynlong ia katei ka coaching class.
Kum ban shu pynkynmaw ba u Vice Chancellor jong ka NEHU u lah soi ia ka MOU bad ka DACE ha ki bnai ba lah dep bad mar mar ka seng ka lah leit ban iakren bad u VC halor kane ka bynta bad u lah kular tang da ka ktien ban pynrung lang ia ki samla ba dei Schedule Tribe ha kane ka bynta bad khlem ioh da kano kano ka jingthoh bad dei halor kane ka bynta
Ka seng ka sa leit ban buh da ka jingthoh ha u Nodal officer bad ma u un sa ioh ban phah sha ki ministry sha nongbah Delhi ban pynsngew ia ki jing dawa ka jong ka seng bad u lah kular ruh ba un ia khun ban pynioh bhah lang ia ki samla pule ba dei ST khamtam ki Trai Ri Trai muluk.
Ka seng hi ka shim ba haba wan kano kano ka jingiohnong lane ka skhim ba kumno kumno ka jingiohnong ka dei ban ioh lang ia ki samla Trai Ri Trai muluk lym kumta kan long lehnoh ei bad sepei ia ka jingdon ka NEHU hapoh jylla Meghalaya.
Ka seng ka kren daba shai kam pyrshah ia kane ka MOU ba soi bad ka DACE hynrei ka pyrshah lada ki samla pule khasi kim ioh bhah lang,horkit hordang ka seng ka lah kren da kaba shai ba ngin ieng pyrshah beit lada kim lah ban pynurlong ia ka jing dawa ka jong ka seng.
