Thoh u CEM ka KHADC sha u Myntri Rangbah ka jylla ban pynkylla ia ka MMMC Rule, 2016

Shillong, Jymmang 20: U Chief Executive Member jong ka KHADC  u bah Titosstarwell Chyne mynta ka sngi u la phah da ka shithi sha u myntri rangbah ka jylla u Conrad K Sangma ha kaba u kdew ba donkam ban pynkylla ia ka Meghalaya Minor Minerals Concession Rule, 2016  ban iarap ia ki paidbah ban ioh ia ka jingbit ban tih marpoh khyndew.

Ha ka shithi kaba la phah sha u myntri rangbah ka jylla la pynsngew  ba kala don ka jingshah teng ha ki kam pynroi kiba pyntrei ha ki shnong ki thaw bad kum juh kala ktah ia ka kamai kajih jong ki paidbah kiba im jaka na ka bylla tihmaw  ban pynlait ia ki paidbah na ka jingeh donkam ban pynkylla ia ka MMMC Rule, 2016.

U CEM jong ka KHADC ula kdew ba bun na kiba pan jingbit ban ioh tihmaw kila shah kyntait ia ki aplikoshon jong ki namar ba ki bor jong ka sorkar kim ithuh ia ki pata khyndew kiba la ai da ki dorbar kur, Dorbar Shnong, Dorbar Raid bad Dorbar Hima ban pynshisha ia ka jinglong trai ia ka khyndew, ha kaba la bthah ia ki ba pan jngbit ban register ia ki jaka bad ka ophis jong u Sub-Register ha ka dor kaba rem.

Ban pynlait ia ki paidbah na kane ka jingeh u CEM jong ka KHADC u Kyntu ia u myntri rangbah ka jylla ba ka sorkar kan wanrah ia ka jingpynkylla ha kaba ia dei bad ka MMMC Rule, 2016 ban weng ia ki jingeh kaba ki paidbah ki ia kynduh, kum ki shnong ki thaw bad ia kito kiba im ja na ka kam bylla tihmaw ba kan nym don kano kano ka jingktah ia ki briew.

Na ka liang jong ka KHADC kala ai jingmut ba ka sorkar ka dei ban wanrah ia ka jingpynkylla ia ka rule kaba 3 jong ka da kaba pynrung ban shah ban tih khyndew maw na ka bynta ban pyntrei ia ki skhim Mahatma Gandhi National Rural Employment and Guarantee Schemes bad kiwei ki skhim kiba wan na ka sorkar.

Kawei pat ka jingpynkylla ia ka Rule kaba 6, dei ban pynrung ha dien ka bynta kaba VII dei ban pynrung ia ka bynta kaba VIII, ia ki kot pata dei kib la ai da ka Dorbar shnong, Dorbar Raid, Dorbar Hima bad District Autonomous District Council.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet