Shillong, Lber 22: U Dr Jemino Mawthoh general secretary jong ka party UDP kaba don lang ha kane ka sorkar MDA u la thoh sha u myntri rangbah ka jylla u Conrad K Sangma ban weng noh ia ka tnad bording na u James K Sangma bad ban weng ia u CMD ba mynta.
Ha ka shithi ba la thoh sha u Conrad, u Dr. Jemino u la kdew ba kala don ka jingbym iaid beit hapoh jong ka MeECL khatam ha la liang ka pisa pilainpilain kaba la pynlong ia ka jylla ban shah pynlip light man ka porpor, deo halor kane ba ka UDP ka kyntu ban pynlait noh ia ka tnad bording na u James k Sangma.
