Thoh u MLA ka Ranikor sha ka INC, map ia nga ba nga la pynsngewsih da ka jingmih noh

Mr Martin M Danggo.Shillong, Jylliew 24: U Martin M Danggo ha ka shithi kaba la u thoh ha ka shithi risain  sha ka party  Indian National Congress (INC) ha ka 21 tarik mynta u bnai u la ong “map ia nga ba nga la mih noh na ka seng congress kaba la pynsngewsih ia phi baroh”.

Ha ka shithi risain na ka party, u la ai khublei ia baroh ki dkhot jong ka seng naduh ki nongialam jong ka MPCC, ki nongialam jong ka DCC jong ka South West Khasi Hills District bad kum juh ia ki dkhot jong ka AICC kiba la ai ki jingkyrkhu ia u ha ka por ba u dang don hapoh jong ka seng Congress, kiei kiei baroh kin sah ha ka jingkynmaw.

Ha ka juh ka por u la kdew ha ka shithi ba ki jingsiew kiba u dei ban siew sha ka party haduh u bnai Jylliew mynta u snem u la dep ban siew lut baroh da kaba u la phah lang ia ki risit, ha ka juh ka por u la ong kyntu ia ka MPCC ba ioh leh se ki dang don kiba u dei ban siew sha ka party kum u dkhot jong ka party kin sngewbha ban ai jingtip sha u.

Ha kane ka shithi risain u la pynpaw ia ka jingsngewsih ka jong u ban mih noh na ka party kaba u la don lang la bun bun snem. U la ong ba u la risian na baroh ki kam kiba u bat hapoh jong ka party naduh ka 21st Jylliew 2018. La ong ba kane ka jingrisain ka jong u kum u MLA jong ka 35-Ranikor ST Assembly Konstitwensi ka long katkum ka jingkwah jong ki paidbah ka konstitwensi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet