Thung dieng Ki samla ka Balang Unitarian ha shnong Mukhap ban ïada Iaka Mariang

Jowai, Naitung 08: Ka Seng Samla Unitarian Union North East India ha ka jingiatreilang bad Seng Samla Unitarian Mukhap kila pynlong iaka jingthung dien haka 8 tarik u July 2017 ha ka jingiadonlang jong u Secretary jong ka Shnong Mukhap u Bah T. Papang kum u Kongsan.

Ha shwa ban thung ia ki dieng la pynlong iaka jingialang kaba rit ha ka iingskul jong ka Rev. David Edward Lapasam ha kaba la iadonlang ki samla na ki katto katne tylli ki balang ba marjam kum ka Balang Jowai, Nongtalang, Khyndewso, Kharang bad kiwei kiwei bad kumjuh ruh ki samla, ki rangbah bad ki longkmie naka balang Mukhap.

Ia ka jingialang ban plie ia ka jingthung dieng la pyniaid da u Khlanhiwot Lamare uba long u President jong ka SSUU NEI bad la ioh iaka jingkren na u ma Wympher Suchiang Secretary Seng Samla Unitarian Church, Mukhap, u Rev. H.H. Mohrmen uba long u Minister jong ka balang Unitarian, u ma C.S. Shylla uba long u Secretary Social Service Committee ka SSUU NEI bad u ma T. Papang uba long u shah khot sngewbha ha kane ka prokram thungdieng.

Haka jingkren jong u kum u kongsan u ma Teibor Papang u iaroh ia ka Balang Unitarian kaba la shim ia kane ka sien jam bad ula ong ruh ba kane ka dei ka sien kaba nyngkong ba kano kano ka seng kan pynlong ia kiba kum kine ki prokram hapoh ka shnong Mukhap. Ula ong ruh ba wat lada ha ki briew kiba na bar ki i kumba ki dieng ki dang bun ha kane ka shong, hynrei ula ong bay m lah ban len ki khlaw kiba don kham sha pajih jong ka shnong kila nangstang bad kaba sngewsih ka long ba kam don satia ka jingpyrshang ban thung bujli ha ka jaka ki dieng bala pom noh.

Ula kyntu ia ki samla bad ki dkhot jong ka Balang Unitarian Mukhap ba kin lam na khmat hban wan rah ia ka jingkylla ha kaba ia dei bad kaba wan rah ia ka khuid ka suba bad ka jingjyrngam ha ka shnong ka thaw.

Ha kane ka sngi la thung ia ki dieng ha phyllaw jong ka iingmane ka balang Unitarian, Mukhap kumjuh ruh ha ki jaka ha ka shnong thymmai jong ka Mukhap ban iada ia ka tyllong um jong ka shnong.  U Wympher Suchiang ula ong ba ki tynrai dieng kiba la thung ha kane ka sngi ki dei kiba la thied na ka nursery jong ka shnong Mulieh bad kiba bun ki tynrai dieng ki dei kiba na kane hi ka thain bad ki tynrai dieng soh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet