Shillong, Naitung 08: U State President jong ka seng National People’s Party (NPP) u Dr WR Kharlukhi mynta ka sngi u la thung ia u Bah Kitborlang Nongrem kum u president jong ka party hapoh jong ka South West Khasi Hills District, ha ka jaka jong u Bah Lastborn Pariong.
Ha ka jingpynmih hukum mynta ka sngi, u president ka party NPP u la ong ba la pynlait noh ia ka kam president ia u Bah Lastborn bad la thung ia u Bah Kitborlang kum u president ba thymmai jong ka NPP hapoh jong ka SWKH District.
Lah ban kdew hangne ba u Bah Nongrem u la dei u wei na ki nongialam ba ha khmat jong ka seng congress hapoh jong ka SWKH District, hynrei da ka jingwan noh jong u Martin M Danggo sha ka seng u la pyniasoh noh ia lade bad ka seng NPP.
