Thung u Pope Francis ia u Phadar Wilberth Marwein kum u Bishop ka jylla niam Nongstoin

Shillong, Rymphang 05: U kpa ba khuid Pope Francis ha ka sngi Saitjian u la pynbna paidbah ba la thung ia u Phadar Wilbert Marwein ba dei parish priest jong ka Divine Saviour parish Nonbah kum u Bishop katei ka jylla niam.

Katkum ka jingpyntip kaba la phah da u Archbishop Felix Anthony Machado, Secretary General, CBCI, la pyntip ba ia kane ka jingthung Bishop la pynbna ha Rome. Ka jylla niam Nongstoin kala sah khlem nong sharai naduh u snem 2016 naduh bala phah ia u Bishop Victor sha Jowai.

Ia u Bishop bala shah jied la kha ha ka 17/2/2023 ha shnong Rangblang-Sohsyniong ha katei ka por ka hap hapoh ka jylla niam bah Shillong bad mynta ka Nongstoin, la pynkyntang lyngdoh ha ka 27/Iaiong/2003 ha Shillong bad la leit sha Nongstoin ha u snem 2006.

U la pule ha St. Paul’s Seminary Upper Shillong ha u snem 1988 bad naduh u snem 1991 haduh 1992 la pule ha St. Xavier Minor Seminary, Shillong, naduh u snem 1994 haduh 1997 u lapule ia ka Philosophy ha Christ King College, Shillong. U la pyndep ia ka Pastoral ha Pynursla Parish.

Naduh u snem 2007 haduh 2003 la pule ha Oriens Theological College, Shillong bad naduh u snem 2007 haduh 2010 u la leit ban pule sha Rome bad la ioh ia ka kyrdan pule Licentiate ha Missiology ha Pontifical Urban University.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet