Shillong, Nohprah 30: Shijam kum ka jingpynkhreh ia ka Election MLA ha ka jylla Mehalaya u president jong ka AICC u Rahul Gandhi u la thung saw ngut ki heh jong ka party ban iarap ia ka party na ka bynta ka Election MLA ha kane ka jylla Meghalaya kaban long ha u snem 2018 haba sdang jong u snem.
Ha kane ka jingthung kam ban ia rap ia ka party na ka bynta ka Election, la thung ia u Yashonmati Thakur kum u state coordinator bad ia ki lain gut kiwei kum ki Divisional Coordinator, kita ki long u Anil Thomas, Netta D,Sousa bad u Susanto Borgohain.
Kane ka jingthung ia kine ki saw ngut ka long ban peit ba ka party Congress ha kane ka jylla kaba la bat ia ka bor synshar kan da khlain kumba ka long ha kine ki por kiba la dep bad kane ka long ruh ban pyniaid beit ia ki jingdon kam jong ka party ha kane ka Election MLA kaban long ha kane ka jylla Meghalaya.
