Shillong, Risaw 09: U President jong ka Ri India katkum ka riti synshar ka artikle 217 la thung ia u nongbishar Ranjit Vasantrao More kum u nongbishar jong ka Meghalaya High Court bad un long u Chief Justice jong ka Meghalaya High Court naduh ka sngi ban shitom ia ka kam.
Ia kane ka jingpynbna ka sorkar pdeng la pynmih mynta ka sngi ia kaba la soi da u Rajinder Kashyap additional secretary jong ka sorkar pdeng bad ia kane la pyntip sha ka jylla Meghalaya mynta ka jan miet.
U Justice Ranjit Vasantrao More u long u nongbishar jong ka Meghalaya High Court naduh ka 09/03/2020 bad mynta u president jong ka Ri India la thung ia u kum u Chief Justice jong ka Meghalaya High Court.
Ia u Chief Justice ba mynta jong ka Meghalaya High Court u Justice Biswanath Somadder katkum ka artikle 222 jong ka riti synshar jong ka Ri India ha dien ka jingiamur jingmut bad Chief Justice jong ka Ri India la pynkynriah ia u ban shimti noh kum u Chief Justice jong ka Sikkim High Court.
