Shillong, Naitung 26: Ki pulit jong ka South West Khasi Hills District, kila pynlong ia ka jingtohkit bad thwet ia ki riew sniew kiba la leit ban thang ia ki kali jong ka Atomic Minerals Directorate kiba don ha Wahkaji, haduh mynta ka sngi ki pulit kim pat ioh ban kem iano iano ha kane ka jingjia.
U Superintendent jong ki pulit ba dei peit ia ka SWKH District haba kren ha u SP News Agency u la ong ba haduh mynta kim pat ioh ban kem ia kine ki nongeh kam siew bad kim lah ruh ban kynnoh iano iano ruh tand haduh ba kin da ioh kem ia ki nongleh kam sniew.
Ka sngi Balang kumba 40 ngut ki briew ki la leit sha ka ophis jong ka AMD kaba don ha katei ka jaka bad kila ktahkti ia u Satyander Saurac 29 snem bad ia u Srinjoy Mukherjee 31 snem kiba ha kaba kila mynsaw ha kane ka jingshah thombor ha ki riewsniew. U Bah la mynsaw jur ha kane ka jingjia u dei u Sauman Das 31 snem, katba ia kiwei pat ki nongtrei kiba don 12 ngut ym shym la shah ktah kti.
Kine ki riew sniew kila pynjot ia ka Laptop, kila thang ia ki ar tylli ki kali jong ka ophis ha kaba kila julor bad ia kiba mynsaw la pynkit ia ki sha Mawkyrwat CHC na ka bynta ban ioh jingsumar.
