Shillong, Rymphang 14: Mynta ka sngi la ong ba ki pulit jong ka jylla Assam kila kiew sha ka shnong Ummalli, kaba don ha rum ka shnong Nonglang ha jan Langpih
kaba hap hapoh jong ka West Khasi Hills District bad ha kane ka jingwan jong ki kila tied bad bom pathar ia ki riew paidbah ha kane ka sngi ha kaba bun bah kila mynsaw.
Kiba mynsaw ha kane ka jingjia ki long ki rangbah ki kynthei bad wat ki khynnah ruh kum juh ia kiba mynsaw la rah sha jaka ai jingsumar ban sumar ia kine kiba mynsaw. Katkum ki lad khubor kiba la lah ban ioh la kynnoh ba ki pulit Assam kila kiew bad bom na phang katba ki lap ia ki briew hapoh shnong.
Katkum ki lad khubor kiba la lah ban ioh la ong ba kine kiba la shah bom ki long palat ia ka 25 ngut kiba la mynsaw ha kane ka jingshah thohbor ha ki pulit jong ka jylla Assam, haduh mynta ym pat lah ban ioh ia ka jingtip kaba thikna kaei kaba la pynlong ia ki pulit Assam ba kin wan ban thombor ia kane ka shnong.
U Deputy Commissioner jong ka West Khasi Hills District u bah T Lyngwa haba kren ha u SP News Agency u la iathuh ba haduh mynta kim pat lah ban ioh ia ka jingtip kaba thikna katno ngut ki briew kila mynsaw bad na ka liang jong ki briew na ka ophis ki leit sha katei ka jaka ban wad ia ka jingshisha.
