Mawdiangdiang, Naiwieng 06: To da kynmaw ia kaba phi la shim smai haba phi trei ha ki kam jong phi kiba man ka sngi, la ong ka myntri kaba dei peit ia ka Home Civil Defence bad Home Guards ka Debora Ch Marak.
Ka myntri ha ka jingkren ka jong ka kala ong ba ka jingshim smai mynta ka sngi haba ki rung ha kane ka kam, ka long katkum ka riti synshar jong ka Ri bad kane ka kam kaba kin trei ka long ban shakri ia ka Ri kum ki nongai jingiada. Ka kam kaba kin trei ka long kaba khia la ka long ha kano kano ka bynta.
Na ka liang jong ka myntri kala ai khublei kyrpang ia baroh kiba la shah jied ban don ha kane ka kam bad ka ai ka jingkyrkhu kyrdoh ia ki baroh ba kin trei bha ha ka kam kaba ynsa bynshed ha ki. Na ka liang jong ka myntri kala ai khublei ruh ia ki ophisar kiba la lah ban ai ia ka jinghikai.
Ka myntri kala ong ba kane ka kynhun Civil Defence bad Home Guard kala leh shibun ki kam ha kaba ia rap ia ki briew kiba ngat ha ka lanot bad kum ba ka long ka department ka la mih sha khmat ban iarap ia ki briew ha kiba bun ki bun ki kam ba jai ka jingshah pynjulor ha ka mariang.
Kiwei kiba la kren ha kane ka sngi ki long u R Awasthi, IPS, Director General, Civil Defence bad Home Guards, U Bah S Rangad, Commandant, Central Training Institute, Civil Defence bad Home Guards, Mawdiangdiang. Baroh kiba la lah ban pyndep ia kane ka jinghikai ka long 66 ngut ha kane ka jinghikai kaba la long ha Central Training Institute of Civil Defence bad Home Guards ha Mawdiangdiang Parade Ground.
