Shillong, Nailur 16: U Commissioner bad Secretary jong ka Transport Department jong ka sorkar Meghalaya mynta ka sngi u la pyntip bala weng ia ka jingpyniaid ia ki kali Odd bad Even number ha baroh ki District jong ka jylla, lait noh tang hapoh ka nongbah Shillong.
Ki kali naduh la shai ka sngi kila lah ban iaid kumba juh long baroh shikatta ha baroh ki District jong ka jylla, hynrei tang hapoh kane ka nongbah Shillong ka jingpyniaid ia ki kali katkum ki Odd bad Even number kan dang trei kam.
Kane ka jingpyntrei kam ia ki number Odd bad Even number, kan dang trei kam ruh ia baroh ki kali kiba wan na kiwei ki District lada ki thmu ban rung hapoh ka nongbah Shillong, kata ia ki bos kiba iaid jngai la pynlait iaki na kane ka jingbut ia ki Odd bad Even nomber kumba la dep ban pyntip mynshuwa.
