Shillong, Lber 12: Ka BJP kaba la jop 21 seat hapoh ka jylla Manipur ryngkat ka jingkyrshah jong ka seng NPP kaba don saw ngut ki MLA, kila trei bor bah mynta ban khroh ia kiwei ki MLA ki bym dei jong ka seng Congress ban ioh thaw ia ka sorkar ha katei ka jylla.
Kumba ka long mynta ka seng sain pyrthei ka Naga People’s Front kan long ka party ban rai ia kano kano ka party ban thaw ia ka sorkar ha katei ka jylla la ka dei ka BJP ne ka seng Congress. Lad aka NPF ka leit ban ai ia ka jingkyrshan ia ka seng Congress kala pynshem ia ka sorkar namar ka seng Congress ka don 28 ngut ki MLA bad ka NPF ka don saw ngut kine ki la lah ban thaw ia ka sorkar ha ka iing dorbar ka 60 ngut.
Ka party Lok Jan Shakti Party kaba la jop u wei u MLA, ka All India Trinamool Congress kaba la jop u wei u MLA bad u wei ki MLA shimet kim pat rai iano ban kyrshan la ia ka Congress ne ka BJP, Ka rai ban thaw sorkar ka shong mynta ha ka ki saw ngut ki MLA ka NPF kaba saw ngut ki MLA. Namar ha ka iing dorbar kaba 60 don kam kam 31 ngut ban thaw sorkar.
Haba u SP News Agency u kylli na u wei na ki nongialam jong ka BJP u ba dei peit ia ka jylla Meghalaya, ka dei shisha ne em ba ka BJP kala leit ban kam ban thaw sorkar ha katei ka jylla, u la ong “ ym pat thikna u dang hap ban kylli”.
