Shillong, Jylliew 18: Ka National Highway Authority of India (NHAI) kaba peit ia ka surok bah National Highway-6 kaba pyniasoh ia ki bynta ba sharum jong ka jylla Assamb ad ka East Jaintia Hills kila trei 24 kynta ban pynthikna bay n lah ban pynlait kloi lan ia kane ka surok bah kaba don kam.
Ka NHAI kala pyndon kam da ki kor kibor ban pynkloi ia ka jingtrei kam da ka jingjran ka slap mynta ka sngi kala pynlong ia ka NHAI ba kan kham pynsted shuh shuh ia ka jingpyntrei ban marmot ia ki surok kiba la dkut ha katei ka surok bah khmatam ha ki bynta jong ka Umkiang bad Lumshong.
Na ka liang jong ki pulit ka East Jaintia Hills kila iarap sam ia ka umdih bad ki jingbam sha ki draibar trok bad sha kito kiba sah kut ha kane ka surok bah na ka daw jong ka jingtwa khyndew, na ka liang jong ki bor ba de peit ia ka District Administration ruh kila shim khia ban ioh ba kane ka surok kin lah ban pynlait kloi ia ki kali ban leit ban wan.
Ka NHAI kala pyndon kam da kip uh shilum kiba heh ban pynkloi ia ka jingtrei kam khamtam ha kato ka jaka ba ngam ka trok na ka daw jong ka jingkhyllrem ka murium, lada ka mariang kan ai lat ka thong ka long ba la shai ka sngi yn lah ban pynlait ia ki kali ban iaid na kane ka surok bah ban leit sha Silchar kaba pyniasoh sha Tripura, Manipur, bad Mizoram.
