Tuid ki khubor sngewlem halor ka jingkhlad noh u Dr Donkupar Roy Speaker ka jylla

Shillong, Naitung 29: ka jingkhlad ba kyndit jong u Dr Donkupar Roy speaker jong ka iing dorbar thaw ain ka jylla  kala pynkyndit ia ba bun ki paidbah jong ka jylla Meghalaya khamtam kiba don ha ka sian pyrtthei ha ka jylla.

Ki spaker ba rim jong ka jylla u A T Mondal bad u Martin M Danggo kila phah ia ka khubor sngewlem halor ka jingkhlad ba kyndit jong u Dr Donkupar Roy speaker ba mynta jong ka iing dorbar thawaiñ ka jylla.

U Zenith M Sangma myntri ba rim jong ka sorkar jylla u ba ei ruh u MLA u la pynpaw ia ka jingsngewsih halor ka jingkhlad noh jong u speaker jong ka iing dorbar thaw ain ka jylla bad u la ong ba kane ka dei ka jingduh kaba khraw ia ka jylla.

Na ka liang jong ka seng ki nongrep jong ka jylla, ka Hill Farmers Union HFU, ki pynpaw ka jingsngewsih halor ka jingkhlad noh ba kyndit jong U Lamphang ka iing Dorbar jylla U Dr.Donkupar Roy, u nongialan ba radbah ka jylla.

ka seng ka phah ia ka khubor sngewlem sha kiba ha iing hasem bad kiba ieit ba thoin, ai ba u Blei ka jingpyntngen un don ryngkat bad ki lem bad ia ki nongkyrshan baroh, leit suk Dr.Don ai ba ka mynsiem kan shem ia ka jingjahthait ba junom la ong u Bah Commander Shangpliang President Hill Farmers Union Central Body,  Shillong.

Ka Dorbar The Grand Council of Chiefs of Meghalaya, kaba kynthup ia ka Federation of Khasi States, Ka Dorbar Ki Khlieh Nongsynshar ka Ri Hynniewtrep, Ki Sirdarship, Ka Dorbar Ki Dolloi, bad Council of Nokmas,  Ki phah ia kane ka khubor sngewlem halor ka khubor kaba sngewsih halor ka jingkhlad kyndit noh jong u Late Dr Donkupar Roy, Speaker, Meghalaya Legislative Assembly, ha ka 28 tarik July 2019, uba la bat ruh ia ka kam kum u bad President, United Democratic Party.

Ka Dorbar Ki Khlieh Nongsynshar ka  pynpaw ia ka jingsngewsih jur halor ka jingduh noh ia uwei na ki Rishot ha ka sain pyrthei kane ka jylla bad ngin iai kynmaw ia une u rangbah uba la ai mynsiem, btin lynti, kyrshan bad ai jingmut ia ka lynti iaid jong ka jylla la bun bun snem kum u nongmihkhmat MLA sha ka  Dorbar Thaw Ain ka jylla kum u Minister, Deputy Chief Minister bad kum u Chief Minister ha ki snem kiba la dep bad kumjuh ruh kum u Speaker ka Jylla.

Ngi buh ki jingduwai na ka bynta jong phi ka iing ka sem baroh kawei ba u Blei Trai Kynrad un aibor ha phi ka iing ba phin ioh ka bor bad ka jingtngen ha kum kane ka por kaba sngewsih.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet