S
hillong, Nailur 30: Mynta ka sngi la rakhe ia ka “Shillong Archidiocese day” hapoh Parish Laimer ha kaba da ki phew hajar ki paidbah khristan katholik na kylleng ki parish jong kane ka jylla Niam Bah kila ia poi lang ban sakhi ia kane ka sngi sah kynnoh.
Ha kane ka sngi ia ka jingleh niam la ialam da u Arch Bishop Rev Dominic Jala ha ka jingiadon lang ki lyngdoh na kylleng ki parish, ryngkat u paidbah riew ngeit jong ka balang Katholik kiba la ia poi sha kane ka jaka ban ia shim bynta lang ha ka jingknia Mass bakhuid.
Ha kane ka sngi u myntri rangbah jong jylla u Conrad K Sangma lem bad ka kynhun myntri, ryngkat ki MLA kila ia don lang ban ia snoh kti lang ha kane ka jingrakhe ia ka sngi burom jong ka Shillong Arch Diocese. Ki myntri kiba la ia don lang ki long u Bah Lahkmen Rymbui, Bah Hamletson Dohling, Bah Kyrmen Shylla.
Ki MLA kiba la ia don lang ha kane ka sngi ki long u Bah Pious Marwein, Bah Gigur Myrthong, ki MDC ki long u Bah Ban Basaiawmoit, ka kong Telinia Thangkhiew Deputy Chief Executive Member jong ka KHADC. Ia kane ka jingleh burom ia kane ka sngi la pynkut da ka jingkyrkhu na ka sacrament ba khuid ha ka jingiaseng noh phai sngi na ka kti jong u kpa mynsiem u Bishop Rev Dominic Jala.
