Tuid ki paid khristan sha ki iing mane ban rakhe ia ka Khristmas da ka jingkmen

Shillong, Nohprah 26: Ki paid khristan na ki jaidniam bapher bapher kiba don ha kane ka jylla kila rakhe ia ka sngi Khristmas da ka jingriewblei ha kaba kila ia tuid sha ki iing mane ban pyndon burom ia kane ka sngi.

Ha ka meit 24 tarik kala don ka jingpeit miet khristmas ban kynmaw burom ia ka jingwan long briew jong u trai Jisu sha kane ka sla pyrthei bad ha ka step 25 tarik kum ki paid riew ngeit na ki kynhun niam bapher bapher kila pyn long ia ki jingiaseng ban rakhe ia ka Khristmas ha ka rukom kaba shongkun.

U myntri rangbah ka jylla u Cornad K Sangma ha ka sngi Khristmas u la leit ban ia don bynta lang ban rakhe ia ka khristmas bad ki khynnah kiba don hapoh jong ka Mother Teresa Home ha Tura ban ia lehkmen bad ki da kaba pyntian ia ki khynnah da u kake khristmas.

Ha ka sngi 25 tarik la iohi ba ha dien la kut ki jingiaseng na ki iing mane ki paid khristan kila ai khublei ia la ki jong ki paralok kiba ha iing ha sem da kaba ong “ Ka Khristmas ba suk ba kem ia phi”. Ka jingrakhe ia ka khristmas ka la long shisha kaba shongkum ha kane ka sngi nongbah Shillong.

Ha kane ka nongbah Shillong, la iohi ba ki paidbah kila pynriam ia ki iing ki sem jong ki da kaba buh ia ki light ban pynphyrnai ia ki iing ki snem, ki dukan bad kum juh wad ki ophis jong ka sorkar ruh kila pynriam itynnad ban rakhe ia ka khristmas.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet