Shillong, Kyllalyngkot 12: Ka seng Hynniewtrep National People Federation (HNPF) kaba la ialam da u bah Louis Dohtdong mynta ka sngi kila leit ban tur sha District Council da ka jingthmu ban khang talal namar ba u CEM jong ka KHADC u bah Titostarwell Chyne khlem leh ia kaei kaba ki dawa.
Ka seng HNPF kam shym la ioh ban khang tala namar ba ki bor ba pyniaid ia ka KHADC kila pyntip sha ki bor pulit bad na ka liang jong ki pulit kila wan ban pahara ha khyrdop bad haba ki seng kila wan kim shym la ioh lat ban khang tala.
Haba kren ha ki lat pathai khubor ha katei ka jaka u bah Louis President ka seng la ong ba, ka seng kan ai por biang ia u CEM jong ka KHADC haduh ka 19th Kyllalyngkot 2023 ban weng noh ia ki rangbah shnong Garo ha Raid Marwet.
La ong ba lada ka KHADC kam weng ha ka tei ka sngi kaba la buh kin thom da ka bor ban khang tala lada don ki pulit ruh kin nym salia, la kynnoh ruh ba ka Hima Mylliem kam shym la leh ei ei ia kaei kaba la ia kren ban nym ithuh shuh ki syrnot ba ai ki rangbah shnong Garo.
U Presdient ka HNPF la kynnoh ba kane ka jingbym lah ban leh ei ei ka District Council ia ka jingdawa ka seng ka long ba ka don kata ka jingiasngewthuh jingmut lang hapdeng ka KHADC bad u Syiem ba shipor ka Hima Mylliem, kum ka seng ka pynrem jur ia kane ka jingleh.
