Tur ki paidbah sha Mahendrahanj PS,pynpra ia ka kynroh, pynjulor byn tylli ki kali

Shillong, Naitung 22: U Deputy Commissioner jong ka South West Garo Hills District mynta ka sngi u la pynjari ia ka Karphew hapoh jong ka shnong Mahendraganj na ka daw ba ki paidbah kila leit tur sha Police Station bad ha kane ka jingleit tur kila pynpra ia ka kynroh bad pynjulor bun tylli ki kali.

Katkum ki lad khubor kiba la lah ban ioh la iathuh ba ha ka miet sngi u Blei u wei u briew u ba ym lah ban tip kyrteng u la leit ha ka shnong Nandichar bad ktah kti ia u wei u pulit bad ha kane ka jingjia u la ioh ban knieh ruh ia ka Incas Riffle haba iohi kane ka jingjia u wei u pulit u la siat sha suin ban pynsyier kane kala jia ha ka por phra baje mynmiet.

Kane ka jingjia ha katei ka shnong kala wanrah ia shibun ki khubor ham saia bad mynta ka sngi ha ka por kumba 11.30 baje mynstep ki paidbah kila leit tur sha Mahendraganj Police station bad kane ka jingleit kila pynpra ia ka kynroh jong ka police station bad pynpaid ia ki kali kiba don ha katei ka jaka.

Haba ia dei bad kane ka jingjia ban tem ia ka jingiaklumar na ka liang jong u DC jong ka South West Garo Hills District u la pynjari ia ka kyndon 144 CrPC hapoh katei ka shnong Mahendraganj. Na ka liang jong ki pulit kila tohkit ia kane ka jingjia ong ki lad khubor.

Haba u SP News Agency u la pyrshang ban phone sha ki bor pyniaid jong ka District yn shym la ioh ban kren halor kane ka jingjia hapoh katei ka jaka.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet