Sh
illong, Lber 08: Ka liang synshar hapoh ka iing dorbar thawain ka jylla Meghalaya mynta ka sngi kala thep kyrteng ia u Dr Donkupar Roy kum u kyrtong ban ia khun ia ka Election Speaker hapoh ka iing dorbar kaban long ha ka 12 tarik mynta u bnai.
Na ka liang synshar jong kane ka sorkar synrop kaba la don lang, ka NPP, UDP, HSPDP, PDF kala pynieng ia u Dr Donkupar Roy u president jong ka seng UDP bad ia ka kyrteng jong u la tyrwa da ki ar ngut ki MLA jong ka seng HSPDP kiba don lang ha kane ka sorkar u Bah Samlin Malngiang bad u Bah Renikton Lyngdoh Tongkhar.
Ha kane ka jingleit thep kyrtong ha ophis jong u Commission bad Secretary jong ka iing dorbar thawain ka jylla u bah Andrew Saimon la synrang lang da ar ngut ki myntri u James K Sangma, u Bah Kyrmen Shylla, U Timothy Shira bad ki nongkyrshan jong ka seng UDP.
