U Archbisop John Moolachira ka Guwahati yn ialam ia ka jinglehniam leit on tep la shai

Shillong, Risaw 22: U Archbisop John Moolachira jong ka jylla niam Guwahati  la shai ka sngi un ialam ia ka jinglehniam ha kaba pyndep ia ka naim ka rukom  ha kane ka sngi tep ia u Archbishop jong ka jylla niam Shillong u Archbishop Rev Dominic jala ka ban long ha iing mane bah.

Haba u SP News Agency u la ioh ban ia kren bad u phadar Richard Majaw, la iathuh ba ia ka jinglehniam la shai ka sngi ha iing mane bah yn ialam da u Archbishop Rev John Moolachira jong ka Guwahati ha ka jingiadon lang kiwei ki lyngdohsad.

Naduh kine ki sngi na ka liang jong ka balang kala khmih lynti ba ki paidbah kin poi na kylleng jong ka jylla Meghalaya la shai ka sngi, kumta la pynkhreh ban buh ia ki skrin kiba heh sha bar jong ka iing mane khnang ba ki paidbah kiba wan ban ia shim bynta ha kane ka jinglehniam kin ioh ia ka jinglehniam.

Ban pyniaid beit ia ka jingpoi jong ki kali na ka liang jong ki pulit jong ka East Khasi Hills ruh kila dep ban pynbeit ia ka rukom iaid bad ki jaka ieng jong ki kali kiba wan sha kane ka jingleh niam leit ontep ia u Archibishop Rev Dominic jala la shai ka sngi. La bethah ia ki kali ban sha kane ka jinglehniam ba kin wah ia ki lama ha ki kali khang ban ithuh.

 

What Next?

Recent Articles

Leave a Reply

Submit Comment

*