Shillong, Naitung 21: U Symbut Myntri Rangbah ka jylla u bah Prestone Tynsong u la ong ba la bthah ia ki bor jong ka District Administration jong ka Ri Bhoi District ban tohkit bniah ia ka jingwan jong u bala test COVID-19 positive mynta ka sngi na Bhoirymbong.
Katkum ka jingiathuh jong u Symbut Myntri Rangbah ka jylla, la ong ba un ne u briew u la leit phai sha Assam mar ia sdang ka jingpakhang ha kane ka jylla bad u la wan phaibiang ha ka 26/6/2020 bad ki bor shnong kila ioh ban bat ia u ha ka 10 tarik mynta u bnai bad la phah shong quarantine ia u sha Khanapara bad haba la test ia u la shem ba ka long Postive.
La iathuh ba une u briew u shong ha shnong Umeit bad u don jaka ban sah ha kane ka shnong, kaba ki hap ban wat mynta ka long une u briew u ba don dukan ha katei ka thain u la ia kynduh bad no haduh ka 26 Jylliew haduh ka 10 Naitung 2020.
Na ka liang jong ka sorkar kala phah ban tohkit bniah ha kaba ia dei bad kane ka jingwan jong une u briew lada lap ba ka don ka jingpynkhein ia ki kyndon yn pynshitom katkum ka ain.
Haba ia dei bad kito kiba pynkhein ia ki kyndon jong ka Pandemic Act ha ki jaka bala pynbna kum ka Containment Zone ki bor jong ka District ki lah ban pynshitom ia ki katkum ka bor kaba la pynkup ia ki.
