U Bah Airmarshall yn ia khun na ka party NPP na ka 35-Ranikor Constituency

Shillong, Risaw, 22: Da ki phew ngut ki nongialam jong kiwei kiwei ki seng saiñpyrthei ha ka thaiñ Warsan Lyngdoh ki la leit ban pyniasoh ialade sha ka Nationalist People’s Party (NPP) ha kine ki khyndiat sngi baladep da ka jingtrei shitom jong u Bah Air Marshall Diengngan, Chief Organiser ka Party, Ranikor Block bad u Bah SS Lyngdoh, Secretary.

Hapoh shitaiew, kata naduh 13 tarik haduh 20 tarik mynta u bnai, kmine ki arngut ki la pyndep ia ka jingsam ia ki phom sha ki 13 tylli ki Polling Station kiba ka jingbun briew ka long kumba saw hajar vote eiei.

Kine ki arngut ki la thaw bad pynkha ruh ia ki Unit ha ka shnong Wahkaji, Umsaw, Nongtynniaw, New Nongtyngnger, Nongbah Jynrin, Pyndemumjaraiñ, Nongmalang, Nongrynniaw, Mawjai, Nongummer, Phlangdiloiñ bad Langpa.

Ha ka jingpynkha ia kine ki Unit, ki paidbah jong kine ki shnong ki la pynpaw da kaba shai kdar ba ki long kiba kloi ban ai jingkyrshan bapura ia ka NPP ha kane ka elekshon MLA 2018 sha ka Ingdorbar Thawaiñ bad ban pynjop donburom ia ka Party ha kane ka kynti.

Ki riew rangbah kiba la wan pyniasoh sha ka NPP ki kynthup ia u Bah Cornelius Nongtnger na Nongmalang uba bat kum u President ka Seng Congress na Nongmalang Village Unit, u Bah Headingwell L Langrin u nongkyrshan barad bah ka UDP na Wahkaji, u Bah Porter Myrthong, u nongkyrshan radbah ka UDP na New Mawjai, u Bah Kitboklang Nongsiang, u Secretary ka UDP na Nongrynniang Village Unit bad u Bah Batsman Nonglang, Secretary ka UDP na New Nongtnger.

Shen kiwei pat ki Nongkitkam bad ki nongkyrshan jong kiwei pat ki seng saiñ pyrthei bapher bapher kin sa wan pyniasoh noh ia lade sha ka NPP ha kine ki khyndiat sngi ban sa wan.

Ha ki jingialang ba la pynkha ia kine ki Unit, u Bah SS Lyngdoh, Secretary ka NPP, Ranikor Block u la pynbna paidbah ba u Bah Air Marshall Diengngan, u long u Kyrtong ka NPP na Ranikor Constituency u ban aireng pyrshah ia u Bah Martin M. Danggo, uba la long u MLA ka Ranikor Constituency la 20 snem kynthih.

 

Une u Secretary ka NPP u la kyrpad jur ia ki paidbah ka thaiñ Warsan Lyngdoh ba kin ai jingkyrshan kaba pura ia u Bah Air Marshall ha kane ka elekshon 2018. Kaba kham pynkmen ia ka Party, ka dei ba bun na ki paidbah nongshong shnong jong ka thaiñ ki la kular ban ai jingkyrshan kaba pura ia u Bah Air Marshall.

What Next?

Recent Articles

Leave a Reply

Submit Comment
*