U Bah Brolding  u ioh ban bat ia ka tnad Water Resources, Home Guard bad  Civil Defence

Shillong, Nailur 20:  Wat la ia ka jingpynbna sorkar ym pat pynmih ha kaba ia dei bad ka jingbate kam ia ki myntri ha kane ka sorkar Meghalaya democratic Alliance (MDA) hynrei la ioh jingtip ba u Myntri Rangbah ka jylla u la pynkhamti ha u bah Brolding Nongsiej ia ki lai tylli ki tnad sorkar kita ki long ka Water Resources, Home Guard bad Civil Defence.

Ki thymmei khubor ki iathuh ba ia kiwei ki tnad sorkar  kiba la bat da u bah Metbah Lyngdoh kum ka tnad shangkai pyrthei, bad ka Excise ym pat ai sha kiwei ki myntri sorkar hynrei ka dang bat hi u myntri rangbah ka jylla, ong ki thymmei khubor kiba ia jan bad ka ophis jongu myntri rangbah kajylla.

Lah ban pynkynmaw ba u lat jong ka jylla u la pynsmai ia u Bah Brolding Nongsiej ha ka 18 tarik mynta u bnai ban shimti ia ka jylla ba thylli ha dien ba u Bah Metbah Lyngdoh u la hiar shuki ban ia khun ia ka ilekshon speaker  jong ka iing dorbar thawain ka jylla.

Ki tnad sorkar kiba u bah Metbah u la bat ki long ka Water Resources, Home Guard bad  Civil Defence, ka Excise bad ka tnad jngohkai pyrthei, lai tylli la ai sha u Bah Brolding Nongsiej bad ar tylli u dang bat hi u myntri rangbah ka jylla.

 

 

What Next?

Recent Articles

Leave a Reply

Submit Comment

*