Shillong, Kyllalyngkot 14: U Bah Helping Phawa MDC barim jong ka jong ka Tuber u la pyniasoh ia lade bad ka seng PDF, ha kaba la pdiang burom ia u sha ka party ha ka jingialang paidbah kaba la long ha Tuber ha ka sngi Saitjain.
Ia u bah Phawa la pdiang burom sha ka seng da u Bah Ban Basaiawmoit MDC jong ka seng na KHADC ha ka jingiadon lang u Bah Ivanlumlang president jong ka PDF bad ha kane ka sngi kumba 200 ngut ki nongkyrshan jong u kyrtong MDC kila pyniasoh sha ka PDF.
Da kane ka jingpyniasoh jong u bah Phawa sha ka PDF, kala pynthikna ba un ia khun ia kane ka MDC ilekshon ka ban long ha u Rymphang 27 tarik na ka party PDF sha ka iing dorbar jong ka JHADC.
