U Bah Pynshngianlang u la leh ia ka KHADC kum ka nongkynti jong u shimet: HS Shylla

Ha KHADCShillong, Naitung 13: u Bah HS Shylla CEM ba thymmai jong ka KHADC haba kren hapoh ka iing dorbar mynta ka sngi ha dien ba la shah jied kum u CEM jong ka KHADC, ha dien ka jingkren ai khublei da ki dkhot jong ka iing dorbar u la ong ba u Bah Pynshngianglang Syiem  la leh ia ka KHADC kum ka nongkynti jong u shimet.

Ka kam kaba khmat eh kaba u dei ban leh mynta ka long ban pynsted ia ka jingshna ia ki ain ban pyniaid beit ia ki hima, “Codification” , kaba ar ka long ia ka bishar khaddar, hapoh jong ka KHADC, kumba ka long mynta ki don lai ngut ki nongbishar bad tang u wei u magistrate la don kam ban thung kham bun shuh shuh ban pynsted ia ki kam bishar hapoh jong ka District Council Court .

Kaba lai ki kam ba ia dei bad ki rangbah shnong, ki rangbah shnong ki don ha ka jingshong syier mynta namar kam don ka ain kaba la pynkham bor ha ki, u la ong ba ha kane ka bynta ki don lai tylli ki ain ia kaba hap ban pynwan dur ia ki ban ithuh da ka ain ia ki rangbah shnong.

Haba ia dei bad ka Them Motor, u Bah Shylla u la ong ba balei u Bah PN Syiem CEM ba rim u la bat ar snem lynter ia ka phail ha kaba ia dei bad u myntri jong ka Kur nongkhlaw, namar ka Them Motor ka hap hapoh jong ka kur nongkhlaw balei ym ai ia ka jingmynjur ia u myntri ka kur Nongkhlaw.

Haba ia dei bad ka jinghiar shuki syndet u Chairman ba rim u Bah L G Nongsiej u dei ban pynshai namar kane ka jingleh jong u kala pynhiar dor ia ka iing dorbar jong ka KHADC namar u Chairman u dei u nongker nongda ia ka iing dorbar.

Haba ia dei bad ki MDC jong ka seng Congress, u la ong ba ka INC mynta kala sting thew palat ban ia ka sla dieng, u la iathuh hapoh ka iing dorbar ba mynniet ki ai ia ka shithi jingkyrshan bad mynstep ki weng noh kaei kane kaba ki leh kane ka jingleh ka kren shai ka jinglong jong ki.

Kane ka EC kaba mynta kan ia leh tyngeh ban khanglad ia ka jingai jait kpa, kumba ka long mynta palat 5000 ngut ki briew kila ai jait kpa bad kumba ka long ka jaidbynriew ka long kaba shim jaid na ka kmie ia kane dei ban khanglad.

Ki MDC kiba la ia shimbynta ha ka jingiakren ai khublei ia u Bah Shylla kum u CEM ba thymmai ki long u Bah Teinwell Dkhar, Bah Manstudy Nongrem, Bah Samlin Malngiang, Jansing M Tynsong, Bah Donkupar Sumer, Adelbert Nongrum, Bah Neilantonio War, Bah Victor Ranee, kong Rona Khyndeit bad ka Kong Telinia Thangkhiew .

What Next?

Recent Articles

Leave a Reply

Submit Comment
*