Shillong, Jymmang 16: Ka Superintendent ki pulit jong ka East Khasi Hills District ka long Claudia Lyngdwa kala ong ba u Bah Romoe Lyngdoh u ba la shah siat ha kine ki sngi ha ki briew jong ka seng lehnoh HNLC ym dei u briew ki pulit, la kynnoh kylla ba ka HNLC kala pyniaid ia la u jong u breiw la ong ka Superintend ki pulit jong ka East Khasi Hills District.
Haba kren ha ki lad pathai khubor mynta ka sngi halor katei ka jingjia, ka kong Lyngwa kala ong ba u Bah Romeo bam kwai ha dwar u blei u dei u nongkyrshan jong ka seng HNLC bad ia kine ki la tip naduh u snem 2016 ha kaba kila ioh ban bat ia kali jong u ha kaba la ioh kem u wei u dkhot jong ka seng lehnoh ULFA bad ar ngut ki dkhot ka seng HNLC ryngkat ki tiar ialeh.
Halor ka jingkam jong ka seng HNLC ba ki la wad ia u mynta la bun snem, na ka liang jong ka Superintendent jong ka East Khasi Hills District kala ong ba ka long kaba ym lah ban ngiet namar u bah Romoe u dei u briew u ba don hapoh katei ka shnong Lapalang bad ka dei ka shnong kaba rit ha kaba baroh ki briew ki tip bad u dei ruh u nongkhaii.
Ha ka juh ka por hapoh ka seng HNLC u don u briew ba la rim napoh ka shnong Lapalang ia u ba la tip kyrteng kum u Donboklang ia u ba la juh sin ia u da u Bah Palangrwai. Ha kane ka sngi kaba jia kila wan ar ngut ki briew bad ki la khot ia u Bahlieh bad haba ioh sngew ia kane ka jingkhot u la plie ia ka jingkhang bad kila sait.
Ka kong Lyngwa ka la ong ba na kane ka jingmih jong u Bahlieh ban plie jingkhang haba ki khot ia ka kyrteng kaba ia khot sin, ka kren shai ba u sngewthuh ki dei kiei kiba wan lada um sngewthuh yn nym plie ruh ia ka iing, ka jingkam ka seng HNLC ba kila wad la slem kam don nongrim.
Haba jubab ia ki jingkylli na ka liang jong ka kong Lyngwa kala ong bane ka jingsiat iap jong ka seng HNLC ia u Bah Romoe ka dei ka jingiathuh ha pdeng jong ki bad ba kin phah ia ka khubor sha kiwei kaei ban jia lada ki leh pyrshah.
Haba ia dei bad ka jingdon ki dkhot ka seng HNLC kala ong ba ki don hapdeng 15 bad 20 ngut. Ka HNLC kam shym lah ruh ban pynrung dkhot thymmai. Kala ong ba ki dang don ki dkhot ba rim jong ka seng hapoh Bangladesh.
