Shillong, Rymphang 07: U bah Rowell Lyngdoh 79 snem u long u ba la rangbah tam eh na pdeng kiba la thep kyrteng ban ia khun ia kane ka MLA Election 2018 kaba mynta. U bah Rowell u la thep kyrteng ban ia khun na Mawkyrwat (ST) Assembly Constituency na South West Khasi Hills District na ka party NPP.
Kiwei pat ki kyrtong kiba la thep nomination ha kane ka election kaba mynta kiba la palat ia ka 75 snem ki long, u Salseng C Marak 77 snem na Resubelpara (ST) Assembly Constituency na ka INC, U bah Lestone Wanswet 76 snem na ka party PDF na Shella (ST) Assembly Constituency bad u Sujit Sangma 76 snem na Rongjeng (ST) Assembly Constituency u la thep kyrteng kum u Independent.