Shillong, Lber 03: Ka ophis jong u Deputy Commissioner West Khasi Hills District, Nongstoin kala pyntip paidbah ba ia ka e-services hapoh jong ka district yn sdang naduh ka 6 tarik mynta u bnai 2017.
Ha kaba sdang, yn sdang shuwa ha kaba ia dei bad ka jingai ia ka scheduled Tribe Certificate, Scheduled Caste Certificate, ki certificate ha kaba ia dei bad ki tiar siat bad ia ka Permanent Residential Certificate na ka bynta kito kiba leit ban pule kham sha jrong bad ia ka certificate ha ka liang jong ka ioh ka kot.
Ka jingthmu jong kane ka long ban pynhiaid beit iaid ryntih ia ka jingtrei kam na ka bynta ka jingmyntoi jong u paidbah bad ki paidbah ki lah ban leh ia kane mynta na ki Common Services Centers (CSC), Kiosks, Internet Browsing Centers, na iing da kaba leit sha ka website jong ka District,www.meghalaya.gov.in/megportal/edistrict. Haba ki paidbah kila dep ban pynbiang ia ki jingdon kam baroh yn sa phah da ka SMS ha ki mobile jong ki.
Ki bor kiba la lah ban ai ia ki certificate hapoh jong ka Westst Khasi Hills District, dei u Deputy Commissioner, Nongstoin bad u Sub-Divisional Officer, Mairang. Hynrei ia mynta kane kan nym pat trei kam na ka bynta jong kito kiba shong hapoh ka Sub-Divisional Officer (Civil) Mairang, ia kaba yn sa dang leh ha dien.
